Հունվարի 24-ին Սանկտ-Պետերբուրգի Ալ. Գրիբոյեդովի անվան

ազգային գրականության գրադարանում տեղի ունեցավ

կուլտուր-լուսավորական երեկո՝ նվիրված հայ նշանավոր պոետ,

հասարակական գործիչ Վահան Տերյանի ծննդյան 130-ամյակին։

Միջոցառման սկզբում «Պետերբուրգի հայեր» տարածաշրջանային

հասարակական կազմակերպության նախագահ Ալ. Նազարովը

հավաքվածների ուշադրությանը ներկայացրեց զեկույց

Վահան Տերյանի կյանքի և ստեղծագործության մասին։

 

 

Ռուսաստանի Գիտությունների Ակադեմիայի ռուս գրականության

ինստիտուտի (Պուշկինյան տուն) ձեռագրերի բաժնի

գիտաշխատող Լյուբով Գերաշկոն իր տպավորությունները կիսեց

հայ կուլտուրայի մասին։

Լյուբով Գերաշկոյի կարծիքով Ռուսաստանի կուլտուրայի

և Հայաստանի կուլտուրայի վրա իր նշանավոր ներդրումն է

ունեցել բանասիրական գիտությունների դոկտոր, պրոֆեսոր

Կամսար Ներսեսի Գրիգորյանը՝Վահան Տերյանի եղբորորդին։

"Կամսար Ներսեսի Գրիգորյանը երկար տարիներ աշխատել է

Պուշկինյան տանը և նրա ձգտումների (թարգմանությունների)

շնորհիվ Ռուսաստանում էլ ավելի խոր ծանոթացան

հայ բազմադարյան ձեռագիր կուլտուրայի հետ”։

 

Լյուբով Գերաշկո
 

Կամսար Գրիգորյանի անունն անխզելիորեն կապված է

Վահան Տերյանի պոեզիայի հետ։

Կամսար Գրիգորյանը հեղինակ է երկու

հարյուրից ավելի գիտական աշխատությունների,այդ թվում նա

Ռուսաստանում հրատարակության է պատրաստել

Ավետիք Իսահակյանի, Վահան Տերյանի,

Հովհաննես Թումանյանի և Ալեքսանդր Ծատուրյանի

ստեղծագործությունների ժողովածուները (տասներկու գիրք)։

Կամսար Գրիգորյանի մասին իրենց հիշողությունները

պատմեցին - որդին՝

բանասեր Յուրի Գրիգորյանը,

ազգագրագետ Սիլվա Լազարյանը

և երկրաբան Գայանե Բարխուդարովան։

 

Յուրի Գրիգորյան

Սիլվա Լազարյան

Գայանե Բարխուդարովա

Երեկոյի ավարտին

բանասեր Կոնստանտին Խուրշուդյանի

կատարմամբ հայերեն լեզվով հնչեցին Վահան Տերյանի

բանաստեղծություններից։

 

Կոնստանտին Խուրշուդյան

Միջոցառումը կազմակերպել էր «Պետերբուրգի հայեր»

տարածաշրջանային հասարակական կազմակերպությունը՝

Սանկտ-Պետերբուրգի Ա.Ս.Գրիբոյեդովի անվան ազգային

գրադարանի աջակցությամբ և համագործակցությամբ։

 

Լուսանկարները՝                                   Լիլիթ Օրիորդանի